२० चैत्र २०८१, बिहिबार

Darshan Daily

३ वर्ष अगाडि

विराटनगर, २१ जेठ । उच्च शिक्षालय तथा माध्यमिक विद्यालय संघ नेपाल (हिसान¬) मोरङको अध्यक्षमा अमित ढकाल निर्विरोध निर्वाचित भएका छन् । विराटनगरमा शुक्रबार राती सम्पन्न भएको छैटौ जिल्ला अधिवेशनबाट ढकाल अध्यक्षमा निर्विरोध निर्वाचित भएका हुन् ।
विराटनगरस्थित अर्किड कलेजका अध्यक्ष रहेका ढकाल यसअघि हिसान मोरङको वरिष्ठ उपाध्यक्ष रहेका थिए । नव निर्वाचित अध्यक्ष ढकालले निजी कलेजहरूको विकासमा ध्यान दिने बताए । अहिले पनि राज्यले निजी उच्च माविहरूलाई बिभेद गरेको बताए । उनले राज्यको विभेदकारी नीति अन्त्य गरिनुपर्नेमा जोड दिए । ‘अहिले सरकारले प्राविधिक विषय अध्ययन गराउन निजीलाई दिएको छैन । त्यस्तो विभेदकारी नीति अन्त्य हुनुपर्दछ,’ उनले भने ।
हिसान मोरङको वरिष्ठ उपाध्यक्षमा टि.एन. तिम्सिना, उपाध्यक्ष मोहनकुमार श्रेष्ठ, डा. मनोज गुप्ता, सचिव गोविन्द निरौला, सह–सचिव ललितनारायण र कोषाध्यक्षमा भेषराज नेपाल (भुवन) निर्विरोध निर्वाचित भएका छन् । यस्तै सदस्यहरूमा विरेन्द्रकुमार चौधरी, बिक्रम महर्जन, भास्कर भट्टराई, खड्ग डागी, दुर्गा पौडेल, विजयकुमार माझीलगायत रहेका छन् ।

शनिबार, जेठ २१, २०७९मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]