विराटनगर, २२ पुस । पूर्वाञ्चल विश्वविद्यालयका उपकुलपति प्रा.डा. यादवराज कोइरालाले व्यवस्थापनको व्यवहारिक प्रयोगले मुलुकको विकासमा ठूलो योगदान पु¥याएको बताउनु भएको छ ।
नेपाल व्यवस्थापन संघ प्रदेशस्तरीय भेलाको शुक्रबार यहाँ उद्घाटन गर्दै उहाँले सो विचार व्यक्त गर्नु भएको हो ।
उपकुलपति प्रा.डा. कोइरालाले नेतृत्व, अनुसन्धान र कुशल व्यवस्थापनबाट मुलुकको समृद्धि कायम गर्ने कार्यमा व्यवस्थापनका दक्ष जनशक्तिको ठूलो भूमिका रहेको चर्चा गर्नु भयो ।
विश्वविद्यालयका पूर्व डिन खगेन्द्र आचार्य, संघका केन्द्रीय अध्यक्ष उपेन्द्र पौडेल, राष्ट्र बैंकका प्रदेश निर्देशक मीना पाण्डे, डा. बिजुकुमार थपलिया, प्रतिक राउत र प्रतिमा रिजाल ओलीलगायतले व्यवस्थापनले नेपालको प्रशासन, उद्योग र व्यवसाय क्षेत्रको सुधारमा सहयोगी भूमिका निर्वाह गरेको धारणा राख्नु भयो ।
भेलाले संघको प्रदेश अध्यक्षमा डा. बिजु थपलियालाई सर्वसम्मत रुपमा चयन गरेको छ भने उपाध्यक्षमा रोशनबहादुर थापा, महासचिवमा पशुपति नेपाल रहनु भएको छ ।
यसैगरी सदस्यहरुमा प्रतिमा रिजाल ओली र बद्री कटुवाललाई चयन गरिएको छ ।