२२ चैत्र २०८१, शनिबार

Darshan Daily

५ वर्ष अगाडि

विराटनगर, १९ जेठ । नेपालमा कोरोना संक्रमितको संख्या १ हजार ७ सय ९८ पुगेको छ । आज एकैदिन २ सय २६ जना कोरोना संक्रमित थपिएका छन । यो एकैदिन थपिएका संक्रमितको अहिलेसम्मकै उच्च संख्या हो ।
नेपालमा ५९ जिल्लामा संक्रमण फैलिएसँगै कोरोना संक्रमितको संख्या १ हजार ७ सय ९८ पुगेको छ । सोमबार थपिएका संक्रमितहरुमा सबैभन्दा धेरै दैलेखामा ४१ जना कपिलवस्तुमा ४० जना र सर्लाहीमा ३८ जना रहेका छन । त्यसैगरि झापामा २ जना, नवलपरासी पूर्वमा ३ जना, सल्यानमा १० जना, जुम्लामा १९ जना र सुर्खेतमा ५ जना संक्रमित थपिएका छन ।
त्यसैगरि रौतहटमा १८ जना, बाँकेमा ७ जना, दाङमा ९ जना, धनुषामा ७ जना, महोत्तरीमा २ जना र मकवानपुरमा १ जना संक्रमित थपिएका छन । त्यसैगरि सिराहमा ५ जना, जनकपुरमा १, कैलालीमा १४ जना, बैतडीमा १ जना, डोटीमा १ जना र कञ्चनपुरमा १ जना संक्रमित थपिएका छन ।
नेपालमा १ हजार ६ सय ६७ जना पुरुष संक्रमित छन् भने १३१ जना महिला संक्रमित रहेका छन । अहिलेसम्म नेपालमा ७१ हजार ९ सय ३ जनाको पीसीआर परीक्षण गरिएको छ । स्वास्थ्य मन्त्रालयका अनुसार २ सय २१ जना निको भएर घर फर्किएका छन् भने ८ जनाको कोरोनाका कारण मृत्यु भएको छ ।
त्यसैगरी अहिले १५ सय ६९ जना आइसोलेसनमा रहेका छन् भने १ लाख १३ हजार ७ सय ५७ जना मानिस क्वारेन्टाइनमा रहेका छन । आज झापामा २ जना थपिएसँगै प्रदेश १ मा संक्रमितको संख्या १ सय ६७ पुगेको छ । झापामा मात्र संक्रमितको संख्या १ सय १३ पुगेको छ । प्रदेश १ बाट ३० जना डिस्चार्ज भएका छन् ।

सोमबार, जेठ १९, २०७७मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]